Hand uf ds Härz – wüsset dir, das es bym Chefigturm früecher e Bäregrabe gä het? Heit dir gmerkt, das dr Stadtbach im undere Teil vo dr «Grächtere» uf ds Mal disewäg fliesst?D Stadt erlicke
Das u no viu meh erfahre Chind und Erwachsni, ygfleischti Bärner und Uswärtigi, Bsuecher u Tourischte im Stadtfüehrer «Bern für Kinder» vom Stämpfli-Verlag.
Meh aus 50 Sache gits alleini zwüschem Bahnhof und em Bäregrabe z entdecke! Dr Stadtplan isch apropo o derby.
Wär d Stadt bschüssig erkundet het, däm blybe immer no d Kapitel «Kinderkultur», «Ausflugsziele», «Spiel» und «Einkaufen».
Nid nume für Chind!
Es git einiges z erlicke z Bärn! Nid nume für Chind sondern ou für Erwachsni. I finge das Büechli emel cheibe gmögig und wirde dermit sicher ou uf Entdeckigsreis ga!
«Bern für Kinder» gits i de Büecherläde z Bärn oder uf dr Websyte vom Stämpfli-Verlag.
