Ds indische Tuech

Bild: Theater Schönau, Thun.

Ds Theater Schönau, Thun füehrt hüür «Ds indische Tuech» vom Edgar Wallace uf. We dir dä Krimiklassiker scho immer uf Bärndütsch vermisst heit, de isch jitz d Glägeheit cho!

D Premiere isch am Mittwoch, 8. Novämber. Genau ei Monet später isch die letschti vo de 15 Uffüehrige. Alli wichtige Infos gits uf dr Websyte vom Theater Schönau.

Es isch übrigens e Tradition im Theater Schönau, das ds Publikum o kulinarisch verwöhnt wird. Drum gits je nach Spilzyt vor oder nach em Stück es feins Pasta-Buffet. I ha sogar ghört, das es passend zum Stück o es richtigs Curry sötti gäh! I däm Sinn: ab nach Thun; «Namaste».