Mani Matter uf Arabisch

D CD-Hülle.

Es isch zwar nüt Nöis, aber trotzdäm e Bytrag wärt. Chürzlech han i im Radio en Interpretation vom «Sidi Abdel Assar» vom Mani Matter ghört. Gsunge uf Bärndütsch vom Endo Anaconda und uf Arabisch (!) vom Samir Essahbi. Die Kombination het mer so guet gfalle, i ha grad d CD gchouft.

Uf dere het's sogar drei Versione vom «Sidi Abdel Assar». Näb der erwähnte «normale» Version mit klassische Inschtrumänt git's no e «Remix» und e «Club-Version». Dr Remix ersetzt eifach die klassische Inschtrumänt dür Elektronik; dr Gsang vom Duo Endo/Samir isch glych wie by dr normale Variante. E witzigi Mischig.
Im Club-Mix isch ds Original zwar nüm z erchenne, derfür dr rhythmisch Bass umso meh. Dr Name isch sehr träffend :-)