Di Herbschtzytlose

Dr Film «Die Herbstzeitlosen» vo dr Bettina Oberli spilt im Ämmitaler Dorf Trueb. Dert läbt d Martha (Stephanie Glaser) – ire isch ds Läbe u dr chly Lade im Huus zümftig verleidet syt ire Maa gschtorbe isch. Wo si – vo dr Fründin Lisi (Heidi Maria Glössner) aatribe – d Läbesmittel im Lade dür Dessous ersetzt, wird nid nume ire Jugendtroum vo nere eigete Boutique Realität, si spaltet dermit o ds ganze Dorf.

Di einte sy begeischteret – di andere findes e Schand fürs Dorf. Wo ds kantonale Chorfescht in Trueb naachet isch für di Konservative im Dorf klar: di sündigi Boutique mues wäg bevor d Bsuecher us em ganze Kanton i ds Dorf chöme.

Wie d Martha um ire Troum kämpft u schliesslich gwinnt chönnet dir im Chino ga luege. I ha mi bländend amüsiert u glachet.