Poulet-Curry u ds indische Tuech

Ds Ensemble vom Theater Schönau uf dr Büni.

Am letschte Samschtig bin i z Thun ga «Ds indische Tuech» vom Theater Schönau luege. Das isch, einisch meh, e henne gmüetleche Abe gsy – mit emene guete Theaterstück u fantastischem Ässe.

Es isch e gfreuti Sach gsy, dr Krimi vom Edgar Wallace uf Bärndütsch z gseh. Bsunders dr Christoph Stucki het i dr schwirige Rolle vom Edouard (i dr dütsche Verfilmig dr Peter Ross, gspilt vom Klaus Kinski) räschtlos überzügt.

Dank dr Frou Ramesh (d Nachbarin vom Presidänt Daniel Laroche) isch Indie nid nume uf d Büni sondern o uf d Tische cho. Ds Publikum isch mit Rys, Poulet-Curry u Rüebli mit Kokosnuss verwönt worde.