Bild: www.russentext.de.
Am letschte Frytig het dr gmögigi Russ z Burgdorf us syne Wärch vorgläse u Gschichte verzellt. A dr Bar hets sogar Borschtsch für e chlyni Hunger zwüschedüre gä!
Nach dr Läsig isch dr Abe aber no lang ned verby gsi – dr Kaminer het nämlich syni berüchtigti «Russendisko» u sy Kolleg, dr Yuriy, derby gha! Chuum sy d Stüel verörteret gsy, het ds russische Duo Infernale dr Alpinachäller mit russische Rhythme bombardiert. Vo Polka über Ska bis Punk isch alls derby gsi, d Stimmig isch mit jedem Lied besser worde. E richtigi Fuer – как говорил дедушка Ленин? Учиться учиться и учиться танцу. :-)
2 Kommentare:
auso .. i findes intressant was de da aues uf d bei gsteut hesch.. jhedoch würs mi wundernä was die zwe letschte ziile vo dem tegscht hie heisse ..
lg yvu
Tschou «Gartezwärg» :-)
Die letschte zwo Zyle si russisch u bedüte öppe so viu wie «Wie sagte schon Väterchen Lenin? Lernen, lernen und nochmals lernen - zu tanzen».
Notabene isch nume ds «Lernen, lernen und nochmals lernen» es berüemts Zitat vom Lenin. I ha de ds Wort «tanzen» derzueta; das Zitat eignet sich enorm guet für Abwandlige aller Art.
Grüess u e guete Rutsch!
Kommentar veröffentlichen