Wär kennt d Stadt Bärn am beschte?

Bym muntere z'Bärn het dr Gwungerhung im Stauffacher es nöis Brättspili entdeckt. Es heisst «Wer kennt Bern» und handlet (wie dr Name scho verratet) vo dr Stadt Bärn.

Jede Spiler bechunnt e Stadtplan vo Bärn und sötti dä so schnäll er cha mit Strasse und Sehenswürdigkeite fülle. Für das mues me aber ebe Frage über Bärn richtig chönne beantworte. So chame Bärn jitz ou spilerisch besser kennelehre.

Wär vor de heilige Fyrtige nümme uf Bärn chunnt, cha ds Spili pärsee ou online bym Stauffacher choufe.

Es Gschänk für Zürcher!
Auso liebi Bärner; das wär doch es Gschänkli für öji Zürcher Fründe u Kollege – de merke die einisch, das es no anderi Stedt weder Züri git ir Schwyz :-)