Zürcher Wienecht

Bild: Max Grüter

Di nöji Wienechtsbelüchtig ar Bahnhofstrass het fei echly z'schnure gä! Dr ganz Dezämber lang isch si dür alli Zytige u Läserbriefspalte gschleikt worde. Di Meischte rede vo Spital- oder WC-Belüchtig :-)

I chome scho vom Name Chrämpf über: «the world's largest timepiece». Mues z Züri würklech jede Chutzemischt en änglische Name ha? E keis Wunder wei d Zürcher um ds Verrecke Früe-Änglisch für d Primarschüeler!

We öich d Wienechtsstimmig by dere Belüchtig fählt, de schuenet gschyder i d Bahnhofshalle. Dr Wienechtsmärit mit em grosse Swarovski-Wienechtsboum isch no wi früecher.

Die wo d Belüchtig henne guet finde, chöi sich die nächscht Jahr ou deheim ir Stube montiere. Ds Helgeli zeigt wies gaht.